OCUPACIÓN

A orde de prioridade para a ocupación dos albergues será a que a seguir se establece :

• Os peregrinos con limitacións físicas
• Os peregrinos a pé
• Os peregrinos dacabalo
• Os peregrinos en bicicleta
• As persoas que viaxen con coches de apoio

As prazas ocuparanse ao chegaren os peregrinos aos albergues, sen que en ningún caso se admita a posibilidade de realizar reservas.

UTILIZACIÓN E USO
A utilización do albergue para pasar a noite e/ou o uso de calquera dos seus servizos e instalacións implicarán o pagamento de 6 € por persoa e día,
que se xustificarán co bono que lles entregará o responsable do albergue no momento do pagamento.

NORMAS DE COMPORTAMENTO
A utilización por parte dos peregrinos das instalacións dos referidos albergues estará suxeita ao cumprimento das seguintes condicións:

• A estancia permitida en cada albergue será dunha soa noite, agás no caso de enfermidade ou outra causa de forza maior.
• A porta dos albergues pecharase ás 22:00 horas.
• Os albergues deberán abandonarse antes das 8:00 horas da mañá.
• Para respectar o descanso, as luces apagaranse as 22:30 horas, con excepción das zonas comúns.
• Os/as usuarios/as deberán coidar as instalacións coa debida dilixencia, deixalas ordenadas, limpas, e polo tanto, recoller e depositar o lixo nos correspondentes colectores.
• No se poderá malgastar a auga nin a luz.
• Para secar a roupa utilizaranse exclusivamente os tendais.

O incumprimento dos deberes anteriormente citados, así como calquera conduta susceptíbel de ser considerada como perturbadora do bo funcionamento dos albergues,
facultará aos seus responsábeis para obrigar as persoas infractoras a abandonalos, sen prexuízo da existencia de responsabilidades, incluída a prohibición do uso de calquera outro albergue da rede.

SERVIZOS

• Cama con roupa de cama non reutilizable
• Uso da cociña (sen enxoval)
• Ducha (con auga quente)