Nesta parroquia con economía fundamentalmente baseada na gandaría pódese visitar, polo seu interese, a Capela de Sta. Mariña, mártir galega do S. II, lugar con romaría tradicional e onde foi atopada unha ara na honra dos Lares Viales, protectores dos camiños, hoxe no Museo de Pontevedra; o conxunto megalítico do Monte Penido e o conxunto formado pola igrexa parroquial, centro social, e praza con cruceiro moi interesante. En Vilar, outra capela esta dedicada a San Sebastián, da testemuña da vocación relixiosa da zona. Tamén mencionar o Coto do Castelo, da idade media, situado no lugar do Souto, preto dun xacemento coñecido como Mina dos Mouros con restos dunha explotación mineira.
As festas son o 18 de xullo na honra de Santa Mariña e o 15 e 16 de Agosto na honra da Santa María e o San Roque.
Desta parroquia era nativo Xosé Dionisio Valladares (1787-1864), gobernador de Ourense que xogou un papel decisivo na loita contra os franceses. Foi pai do ilustre escritor Marcial Valladares Núñez.
A Gastronomía ten o seu espazo no Restaurante "A Devesa". |